小心駕駛

692線將軍澳唐明苑翻車　午夜巴士大災難

明白巴士司機的長時間工時的疲憊，很想回家躺下蓋被。但，請不要超速。
乘客又豈不是想回家嗎? 想下班想回家的不止你一個，you are not alone ，They are all with you!
實際上，我不想只一味指責:『巴士司機有冇搞錯!』『開咁快趕收工啦!』『賽車呀!?』『俾佢累死!』『巴士佬個個都痴線!』
可能，確實有那些不負責任的司機存在，但是，一樣米養百樣人，決不可一竹篙打一船人。
希望所有巴士司機都小心駕駛。

我都曾經遇到一個十分非常過分的司機，(我其實覺得佢係癲喪!)
1. 埋站完全貼哂等車欄，成條人龍俾佢嚇到全部退後幾步! 佢竟然就當所有人都唔係排緊隊，意圖飛站!好彩有個青年追前大力拍門，佢就死死氣O係馬路中央停車開門!

2.　超快開門山門，最後的一個客只是兩腳踏入車箱，還未『嘟』卡!

3. 之後的就更可惡! 人地遠遠地（１０步到）見到架車，就起步跑埋個車站到啦，有D 仲要係跑出馬路正面面向車頭，等司機可以見到，　等埋佢地。但係個司機好似鬼掩眼咁，睇唔到!一樣拿拿聲開走!
之後幾個站都係咁，有老有少的，無論揮手，叫唔該開門，什至乎跑出馬路迎面對住車頭，個司機刻意唔等唔聽唔理！
有次，跟本隔離線有車頂住佢出唔到線，佢都要抽頭打斜部車，（表示已經上客完畢正準備入回快線開車!）

仲有，　有幾個人跑出馬路，衝去車頭想上車，司機竟然可以踩油對衝！！　目的就係大你! 睇你跑唔跑返上行人路！！點知.....果條友真係冇俾佢大到，照樣衝喎。。。!!
司機又真係照俾油去喎!去到好貼好貼好近好近( 2 塊地磚距離左右 )先停車呀！嚇死我！

嬲到我！！！
我一落車就打電話去九巴投訴啦緊係!!! 仲要日日打去追問進度!!

嗯....不過，有時如果換下角度，可以體諒一下別人，就唔好搞咁多野。(當然係在可以原諒的情況下啦!)
年尾流流，大家一齊HAPPY NEW YEAR 就好喇，唔好整到香港咁多戾氣呀怨氣呀!

怱然諗起一個廣告:
『吱--------------------!』刺耳的剎車/SIN胎聲。
『SORLY，香港腳發作!』
『用愛膚堅啦!』


愛膚堅 -----敬贈每位司機先生。