學習

努力學習發姣中...

朋友話未見過我發姣，我反問自己，都真係唔知自己有冇姣過。
TA: 『應該有，對住鐘意嘅人，一定會嗲 D。』
朋友: 『頂你，你平時太強悍，嗲 D 都未得，完成掂唔到中位線。再努力 D !』
TA:『車，姣呢 D 天生架喎...』
朋友:『唔係，係要做出黎架，冇男人唔鐘意姣女嗲精，你要增加機會率，就要識得姣。』
TA:『妖，盡量啦。』
朋友:『女人唔識姣就好似未生過仔咁，就唔係真女人喇。』


男性朋友教路:
1. deep v         ( 我成日著，不過可能唔夠deep )
2.高音講野
3.挨身挨世     (我都出名冇腰骨 )
4.望男人時要朦起對眼 (我經常啦.... 散光呀麻 )
5.厚咀     ( 我都算係喎 )
6.耶ee啦囉啫，尾音要多要長。 ( 我成日俾人話我講野尾音長啦已經 )
7.成日含笑含笑樣  ( 我成日爆笑大笑，含就真係無.... )
8.扮路痴
9.扮無知
10.再主動DD







耶 ~~~
我又要做個真女人~!

傳奇一刻---- 學到小小喇 !

自八歲， ta 老爸教曉我騎單(邊輔助輪的)車後，又十分極度畏懼 PK 後會毀容毀掉一生，就沒有我單人匹馬的親身上陣過。

今天，大顆兒去做運動，有朋友叫我去租『只有一邊有輔助輪的單車』。(頂!!!)
最後，由於菩薩心腸的我經常做善事，食素放生積福德，非常幸福的我，得到朋友張圖文 p 的慷慨就義，借出多毛粗壯大腿兩大條，充當我整天的私人單車教練(司機)。
大埔出發....之後.....不知道了，我是路痴 + 方向痴。

到了科學園附近，由於單車路又大又直又闊，我有機會學喇。
朋友 C 曾叫我去買條單車褲，我沒有買哩，我常覺得單車褲是屬於只有肌肉沒有脂肪的大隻男人的。我只是把長褲馬馬虎虎地又捲又摺的就算。

朋友們一邊看我踩一邊叫喊:

『望前面唔好望地下呀!』

『直線呀!』

『快D呀!』

『轉彎啦!』

『停呀!!!!!!!!!!!!!!!!』

『剎車呀!!!!!!!!!!!!!!!!!!!!!!!!!!!!!』

我就一味『呀~~~~~~~~~~~~~~~~~~~~~!!!!!!』

朋友 I 對我真好，朋友，我當你一世朋友，見我的騎車路線如我身形一樣的婀娜多『之』，就來送上吃剩的咖哩魚旦一粒，作為鼓勵和獎賞，真--的--十--分--感--動! 我會相信我和他會是不需見面，心中也知曉，友誼是改不了。

朋友 C 替我拍下的領獎一刻。

由於朋友張圖文P 整天的付出，對此至高無上的奉獻，我只有以一杯HKD 7 的富豪軟雪糕來打賞一下。而我自己呢，就馬上買了一杯同樣是HKD 7的可愛小橙冰一杯來加強自己的平衡力。

我不吃牛奶不吃云哩拿不吃軟雪糕的 (好煩呀麻，我知! )，所以通常都不被富豪吸引過去。上一次買富豪橙冰足足是10幾年前的事了。

今次，我溫柔的問:『橙冰唔該。』

富豪對我大喝一句:『 咩話?! 橙冰 !????????????』

我被嚇得差點摔倒在地上，我這個小綿羊不習慣跟別人大聲說話的啊。那個富豪先生搞什麼的?

發神經麼? 大聲叫什麼的叫!!!是不是沒人會買橙冰的呢? 我要的是橙冰!!橙冰呀!!!! 不是安非他命衍生的興奮劑藥品 ----- 冰。

最最最最最好玩的就是坐在張圖文 P 身後的我，一邊學習和觀察如何踩車，一邊呢.....嘻嘻，一邊替各情侶拍照，一邊拍下沿途風光，一邊大叫朋友爆肺 K 死開+行快D開路，一邊充當補給站替朋友S餵食，一邊把垃圾熟練地放入朋友 PP 的籃子內之後再叫 朋友張圖文 P 加速......

各為食朋友凡見小食亭就自動波把車子剎停。汽水又買﹑雞脾又買............ 真係呢... 如果大逃亡呀﹑ Prision Break呀﹑2012呀....我地呢班人實死梗喇....!!! 哈哈哈哈!!!!

由於我在 FB 上放了我成功出車28秒的 VIDEO，好多識踩車的朋友都給了我意見和教學。已經有 20 幾個 LIKE ，很多很多鼓勵的 COMMENTS，謝謝你們啦!!
不過，其中以 XANGA 時代所認識的 M 最好，她說她可以親身教我，又借出她的小寶貝小白給我騎過夠!!! 好好人呀!!!!

P.S. 不過呢，最HIGH都係踩入行人隧道呀!

六尺二的張圖文 P 加埋我，保守估計起碼有 300 磅，齊齊衝入又長又斜又黑的行人隧道..... 好快好大風好 HIGH 好好玩呀!!!! ( 咁上斜我就唔知喇 ! )

*****多謝各位，已成功起車******

多謝唔知邊個大叫我自己學踩，多謝推我出去。
多謝 S 偷影我VIDEO。
多謝 J 一開始做左我嘅輔助碌。
多謝 PP 做左我3次直線踩車的目標。
多謝 K 叫我無啦啦學下轉彎，之後我就產左埋一邊。
多謝 P 叫:『我地引佢過黎啦!之後就走人!』。
多謝 K 冇走埋黎騷擾我。
多謝 C 叫『去呀!阿TA!好叻呀!哈哈哈!』
多謝 C 叫『得啦!識左!唔洗驚啦!』
多謝 I 奉獻出一粒咖喱魚旦:『阿TA! 我買左粒咖喱魚旦俾你呀!!!快D啦!!』

下次目標: 踩---到---直---線---1---分---鐘。

踩車交學費----膝頭嚴重瘀傷!

被人嫌棄

為左出席朋友 C 星期日的生日聚會，我阿 ta 牙齒當金洗 (最近金價好鬼貴!)，兩脅插刀義不容辭，就算明知星期六晚要去唱K Party一定 (被各好友)玩到人都散，又星期日乃係我親愛的葡萄牙姑丈阿 tio 的生日( 呢個姑丈好抵錫! )，都打算豪擲葡幣 10 元正買船票趕頭趕命咁趕返黎香港 !

一行十幾人，有男有女，卡士陣容頂盛!　排名不分先後: 女子組方面，靚女多到數唔哂 ......例如我　(完)。
男子組有: (唉!)有 D 係白雪雪的男仔，連腳毛都未出齊; 有 D 連女都生埋; 有D頭髮都白哂﹑髮線又向後移﹑中年胃腩自動波彈哂出黎; 有D踩車時，由於肚腩肌肉發達關係要自己坐後座俾舊肥膏放o係前座的俊男.......
呢個組合，真係好－－鬼－－死－－吸－－引　!!
事旦啦，朋友嘅野，係咪先?
點知，佢地係打算身體力行支持東亞運，搞個『十兄妹越野公路單車賽』：去 - 新 - 界 - 踩 - 車 !

有冇搞錯呀!
又---------又---------又-------又--------踩-----------車 !

我要求要有俊男單車手教授，(即係全日佢車我啦。)點知男友人即耍手擰頭!
我話我真係唔識踩，唔想聖誕流流，唔想『沒法隱藏的身，以 PK 於新界大樹下』，咁樣真係冇面見人喇。

壽星女C：10 年後你差唔多 40 歲先 PK 仲樣衰，你而家呢個星期日 P 左佢啦。
朋友 S　－－　冇問過佢。我應該仲重過佢。
朋友 I　 －－　對耳食左屎咁，扮聾。
張圖文 P 選手－－有出賽經驗，曾於年頭賽事有全程載我的經驗（元朗果次），亦以第二名勝出。不過，佢今次竟然叫我去租架全家福四人單車喎!!!
爆肺選手 K 建議 －－租借輔助碌單車----『上次見到幾個女仔咁樣踩去大埔。不過佢地最終踩唔踩到去就唔知喇，因為都踩得幾慢下。』


我超!!走寶啦你地!!! 我自己學踩囉!巴閉!!!

P.S. 朋友 C : Happi Birthday to ya!

男人的種子

很美 ! 很美 ! 你的字體很美，你的禮物很美，相由心生，我相信，你本人都長得很美。
謝謝 KennyT 的慷慨，送我 2 款種子。

我是親自打開信箱，親手拿這封信的。光是看到那以藍色原子筆又手寫的 『To: Anita』 已使我樂透了。是手寫的啊!!

看到手寫的地址，總是感到溫暖的，尤其是在十二月這冷冰冰的冬季，感覺更加強烈啊!
大概在二十年前吧，那個年代大家都愛互相寄送聖誕卡呢! 還記得那時候的我，每逢十二月，老是愛查看信箱，想第一時間發現有信，很想親手拆開信封﹑親手打開聖誕卡﹑更愛親自唸讀各親朋好友親手寫上的祝賀語，儘管那是千篇一律的『聖誕快樂』﹑『新年進步』﹑『Merry X'mas & Happy New Year!』......... 如得到祝福一樣，心中感到幸福了。

相信很多人都和我一樣，收到手寫的信件便會快樂，大概都是親密朋友的來信，是不 ? 要嗎問候一下，要嗎送上一起拍下的照片等等。
有沒有一些已好久不見的長輩朋友? 何不今年寄一張相片或聖誕卡給他們? 我已經買了十張八張，目標人物已鎖定，當中包括已去世的婆婆。

知道嗎? 僅僅一元四角，便可使老人家實實在在地感受那聖誕節的氣氛和享受你的關懷愛心了，我相信，當他們收到我們的信件時，一定會發出回心的微笑。

KennyT，我會(盡量)好好的(嘗試)打理，請放心好了。真的謝謝你。=]
 
又，除了學好中文打字﹑踩單車﹑打網球.........多加一樣咯--種蕃茄 !
又又，原來收到男人贈送的種子，感覺挺溫暖浪漫的 !!

開心返哂

前兩天，因為 ta 媽子老是跟我談錢說債，心情納悶得很。

只是暫時 (希望!) 失業的我，已經很努力地每天 job hunting，可不可以給我多點支持和鼓勵，而非一堆二堆的水電煤月結單 ?!

喪買-永遠是治療女人所有一齊病困苦厄的仙丹，一天幾多次，每次幾多粒，更加是由妳決定。我反對濫藥，所以是次只吃一粒。( 因為明天已經有約，打算和幾位女朋友到時再一齊喪啪。 )

購於銅鑼灣 franc franc，半價SALE中，抄幸運 ;

2010年的日歷記事本，HKD 80 ，抄鐘意 ;

和來自馬交的朋友 C 暢飲咖啡，(之後胃痛到痴肺...) 抄過癮 ;

我倆想當年，談及美國的傻事，互擁喪笑，抄開心。

得悉她剛失戀，同是天涯淪落人。

大家都說了很多對愛情的看法，有相同的，都有不同的，肯定一樣的是我們的人生自傳又多寫了一篇刻骨銘心的愛情故事。

失戀不可怕，自我沉溺於失戀漩渦中則很駭人，無論我發了多少個小心安全廣播﹑拋下多少個救生水泡，『遇溺者』都可以聽不到﹑看不見，我替她擔心。

晚上，謝謝 BLOG友好男人 M ，問候我關心我，真係好人一個。又發現了他原來中文打字非常了得。

馬上請教他一下，連連問了他一些終極難字，M SIR 十分有耐性，一一解答。
多謝您。

阿朋友W，你睇下人地幾有心機啦唔該，唔係好似你咁--『下!?又問!!!』
不過，我知我係煩左 D ，我以後有字唔識會直接打電話俾你個仔，我問佢啦下。
P.S. 多謝BLOG 友--你你你你你的關愛，我冇野喇，唔洗掛心。^^v