淑女生病

我是淑女，在任何地方，無時無刻都要保持儀態及氣質。

今天，我可辛苦了。

華麗地發燒.....

性感地乾咳.....

婀娜多姿地嘔吐.....

最後我那圓渾的屁股被狠狠地捅了一針。

蛋糕

上個星期回了香港好幾天， 是為了慶祝 TA 老爸一年一度的牛一。
買了 2 個生日蛋糕，一個 3 磅，再來一個 5 磅的。那餅店的蛋糕的確好吃，已經是第 3 年 ENCORE 了。

大概我太細心，或是我兩個弟弟都沒良心，20多年來，沒有一年記得爸媽的生日，沒有一次參與籌備或報置的事宜。 --------- 他們只參與吃的部份。
今年，由於我不在香港啦，我一早已打電話吩咐他們忙這忙那的搞好一齊所有，但是，回到香港得到的回覆是 -- 平淡是福。
老老實實，我好久不回家，但那刻真的想打人。

幸好，ta 媽子早已預備，( 唱 ) 上帝早已預備...我不相信運氣.....
一早已到餅店訂好蛋糕各樣了，當日，那兩個討厭的小男孩都剛巧沒有時間 (沒有想過要去)提貨------自取蛋糕!!!
8 磅的蛋糕，要我這個小女人自己扛去酒家嗎?!!!
我對ta 媽子說: 『年年都係我，都唔緊要，年年都 5 磅，好辛苦架知唔知啫，都唔緊要，今年係 2 個，仲要 8 磅，我唔係拎唔到，我唔擔保我拎到去個蛋糕散哂未囉!!!!!』
『你得架啦，你對手廢架!?』
『我拎到去唔散既話，我就一野兩野質落 2 個細佬塊面到!!』
『唔踭在質多野落你老豆塊面到!!!!』

再一次証明我媽真的是100%偏心!!
最後，細細佬良心發現，陪我一起去了。

P.S. 我係唔係阿媽親生架呢??
不過，我很愛她。

衰人朋友

之前講左一個好人朋友，都想講一個衰人朋友。 嗯，佢人品唔衰，『衰人』係我起俾佢個名啫~
『衰人』係因為呢個人都真係好鬼口衰，我同佢識左唔算耐，但係佢竟然可以口沒遮攔一句一句咁樣寸我!! 咁我呢D真係唔夠佢咁快，無聲出啦，咁就笑下算數啦~
最衰就係佢成日笑我肥喎! 好野，我係女人黎囉，係咪唔驚我會自殺呢? 咁我都真係唔會....
其實，不嬲都有班朋友由細嗌我『肥婷』嗌到大。肥--------- 幾 CUTE 呀!!! =P

有一晚，3 : 00 am，我同佢講我好肚餓，佢就一如以往咁吹水問我想食咩，即刻拎入黎俾我。之前已經試過無限次咁講，講講下當然冇左件事啦。
不嬲都係咁，你吹我又吹啦，我求其講左樣野食。
點知，4 : 30 am，我o岩o岩開始訓 o既時候，佢打電話俾我話叫我落樓攞野食。
佢真係買左入黎!! 三更半夜，又凍又攰，仲要落緊雨!!! 由九龍東拎野食俾我去到新界西，係咪癲 o架 ??

之後，我地坐 o係天橋底到 hea，其實，我地 2 個加埋都 80 歲 ，夜媽媽落街坐，我就更加涷到痴左線，6:30 am 我返上樓啦，嘩我個頭係痛到想爆開......食左藥，即刻訓訓訓訓訓訓訓訓訓訓..........

p.s. 好後悔冇玩大d，叫佢帶埋個爐同gas入黎同我打邊爐囉!!!
不過，我已經知道佢係癲人一個，都唔敢玩到咁大喇，阻住人休息返工，我會唔好意思。又好好彩佢出入平安無意外，唔係嘅話，我係咪要養佢一世呢?

我都有做過類似癲野，4:00 am 去到個將軍澳，只不過係為左迫個男仔塗粉紅色的手指甲油，果日係等佢屋企人出哂去返工，6:00am立即衝上去佢屋企訓，訓到 3:00pm再一齊出街飲下午茶啦。(有人打電話問我個男仔朋友係邊個，係咪男朋友... 係咪痴線架? 仲咩諗到咁?? 呢個只不過係好好的男仔朋友，放心啦，做得我好好嘅男仔朋友，又點會對我有興趣呢....? 安全無危險架! )以為無人知啦，點知天網恢恢，個看更報寸!!!!

奠

我個MOUSE壞下又好下咁都成個月....... 我仲未捨得買過個..........


太懶。

太長情。

太專一。

太唔捨得。

太唔順路。

太唔知買有線定無線。









太想有人送一個俾我。

目光短淺的男人

有好多朋友都同我講，一向講野大條道理的我，家陣講野愈來愈冇 POINT。
嗯..... 係咩 ??
以下係我同朋友 M今日的對話（希望佢冇睇我個 BLOG啦。。。）：
------------------------------------------------------------------------------------------------------
M 說 (下午 02:41):
I met another cyclist when i went bike ride on Monday la

-. ♡ ＋a ♡ .- 說 (下午 02:42):
oh yeh? good ! didnt know riding can get hot guys! Damn it i should go learning it

M 說 (下午 02:43):
I dun even know if he looks hot or not.
but i am big fat, so..... no way for any guys being interested in 扣肉

-. ♡ ＋a ♡ .- 說 (下午 02:43):
i m giant chubby too! so wat!!!!!!!!!!!!!!!!!!?????????  oh we can be meat twins!

M 說  (下午 02:48):
ai... dunno la, even cyclist said ' you are ok ga.... 收左身可能大把 '
see..... 收 左  身

-. ♡ ＋a ♡ .- 說 (下午 02:49):
呢 D 目光短淺的男人，叫佢去埃賽俄比亞~!

M 說  (下午 02:50):
可惜我咁耐以來都只遇過一個唔目光短淺的男人 and he is married!

-. ♡ ＋a ♡ .- 說 (下午 02:52):
呢 D 男人目光唔短但係條 GER 一定好短 !

M 說  (下午 02:56):
does it matter ge le ha? btw, this is 是日金句!!!

-. ♡ ＋a ♡ .- 說 (下午 02:58):
嗯....冇咩POINT的..只係嬲佢結左婚仲玩女人，乘機鬧下佢~ 呵呵~!

----------------------------------------------------------------------------------------------------

嗯... 我講野又好似....真係冇咩 POINT 咁...

不過，我再重申，有老婆有女朋友的男人，唔該唔好成日搵其他女人博同情 ! 個老婆係自己搵架!!
搞笑，而家又乜乜七七嫌人地什麼這個那個的，又溝通唔到又冇哂感覺又呢又魯!! 之後又好似條 GER 又短又伸唔直咁死款，去呃妹妹仔同你做物理治療 ! 搞掂哂所有野，單身喇，之後再搵再媾過唔得咩 !?
我係１００％睇唔起呢種人－－－短 GER 的男人!

祝新婚快樂

以下有我的照片呀，看後九成九倒胃口，請自行迴避。
.
.
.
.
.
.
.
.
.
.
.
.
.
.
.
.
.
.
.

2009年11月21日 天晴 + 劇涷

今天就是我的好友 J 的大喜喜日子。
整天為了準備遊戲材料，忙這忙那的無事忙，我可是 2:30AM 才休息的，累到不行。
早上 05:00 AM，鬧鐘準時又盡責地吵來吵去，聲浪實在略嫌煩厭，迫使我心不甘情不願下向那吵鬧妖孽發了功，苦練 20 多年的一陽指不偏不倚地一點 ----- 即點中了它的啞穴。
我繼續閉目養神修練回氣，修畢怒瞪妖孽，再氣聚丹田，唸出經文:OH MY GOD! OH MY GOD! OH MY GOD!
頂!!! 時間已經是 07:00AM 呀!!

立即揮手仰天長嘯:『筋斗雲-雲-雲-雲-雲-雲-雲~~!天水圍呀唔該!』縛好安全帶，眨一下眼，盛惠128個大洋。
到達後，和新娘子擁抱祝賀一番，心情十分興奮呀!
伴娘大讚我通曉人情世故，好朋友大日子，我就來個素顏，不好好的化妝，不好好的把頭髮縛好。
噢~!謝謝誇獎! 這個當然啦，我修練了整整 20 多年，可不是亂來的!!!
深明做人做事不可鋒芒太露﹑不可喧賓奪主，我這樣的麗質天生要是再淡掃蛾眉，人家會以為是仙女下凡，為睹我盧山真面目，勢必造成全國哄動，交通癱瘓，大國交戰..........
『 唔該你...........去係咁易畫兩下個咀!!!! 』伴娘說。
『 我呸! 就給你這個天殺的多活一天!!! 』( 我心想。)

昨晚夜觀星像，已察覺有 6 粒刁拿星群聚發亮，心知不妙。果然，今天的接新娘遊戲，如我所料 ----- 6位兄弟想盡辦法耍賴，有計劃有目標的討厭地浪費時間，情況一片混亂!!!
其實氣氛非常熱鬧，我更笑得沒氣再說話，一味笑不露齒，不過，果然一山還有一山高!小女子苦練了20多年的腹語竟被高人察覺!
攝影師之後稱呼我為『笑得最大聲果個姊妹』。( Oh well, 我係呀!吹咩!? )

看到新娘子的爹娘把自己的女兒交托新郎，我兩眼閃著淚光 ( 唔知喊咩呢我? )，看到她父親的眼神充滿了緊張﹑不捨﹑疼愛........... 我眼淚就掉下來了。( 嗯.... 都係唔知喊咩...)
最後，二人宣誓﹑簽字﹑擁吻。男女雙方唸誓詞前都忍俊不禁，笑了出來，可能是太緊張吧! (我唔係好明呢個位有咩好笑，不過又真係次次結婚的新人都會笑一野。)
交換戒子，你一隻我一隻，我臉上已掛了兩行眼淚。( 唔好問我喊咩, 我都真係唔知! )
擁吻後，又是指定動作，大家互望一下又笑一下，就這樣，我的好朋友就跟了那個男人的姓氏了。

我一向疼愛這位摯友 J，雖然我倆性格實在有天壤之別，但是又出奇地做了很多年的好朋友。
有妳做伴的中學那 5 個年頭，大家一起白痴地捉弄同學，又一起做傻瓜去暗戀師兄，(又一起心口寫個勇字去暗殺情敵!) 實在太快樂了喇。
在此再一次送上我最真誠的祝福，願 J 以後生活富裕充實，二口子相處得甜蜜幸福，恩愛快樂。

登登登登登!!!!
呵呵呵呵~ 來來來!!! 看看我這洋洋得意的樣子吧 !!
正正坐在我身後的朋友 A 還未發現我已把她亂丟的高踭鞋放到天花板上去了~!

要來的始終會來

來了! 來了! 真的來了!!
我可不怕你!!! 來吧! 來吧!! 就狠狠的來一場轟轟烈烈的!!!
.
.
.
.
.
.
.
.
.
.
.
.
.
.
是日 M 到。
____________________________________________________

早上，天氣很冷，我只是到樓下買報紙，短短的 3 分鐘的路，但已冷得我扳不直腰。
街上的人很多已穿得又圓又大，冷帽冷頸巾........
可是，真的有需要穿上羽絨嗎???

P.S. 大家要小心身子，多吃點，多吃點暖的熱的東西，不要病倒喇... !

Shower time

Its so cold n bored here, bathroom. I dont feel like doing anything even shower. =p

我要呀 !

還有 1 個星期左右，BB貼紙便會暫停派發。
約 2 個星期後，BB 就會暫停換購。

直至現在，我只有4個 : 魚旦﹑炒麵﹑杯麵﹑啤酒( 不包括無故失蹤的奶茶BB & 重覆了無限次的杯麵BB )。
手上持有 3 張滿了 10 張貼紙的印花收集咭，急急腳到樓下去換.................
7-11的職員:『 BB 換哂喇，你要去第二到喎... 』
有沒有搞錯!! 距離換領限期還有整整 2 個星期!!! 這是一個什麼樣的答案呀!!!!!!!
我兩眼發火，正準備開口大罵............
朋友 W:『係你黑仔啫，唔關人事.......』
嗯，我想.... 今年的我，又是真的倒霉到不行。 OK，可能真的是我的問題...唉!

那....我打算明天到尖沙咀那邊換了.... 希望可以換到! ( 不要再重覆呀! 拜託! )

發燒食咩?

琴日真係一路燒一路返工.....
唔知仲咩鬼我會死去返工囉...... 痴左.....

返到屋企飯都唔食，自己食藥即訓，訓到咁上下好肚餓囉。
起身行出廳睇電視，立下眼見到阿安仔查案，不過唔想睇。 (冇真正睇過呢套野，唔知好唔好睇呢..? )
之後就打燈切線轉左，入廚房攞朱古力味係咁抵死黎食。

點知，ta媽子 & ta老爸一齊叫囂:『發燒食咩雪糕呀!!!!?』。
我 : 『發燒同食雪糕有咩關係? 我唔係喉嚨痛﹑唔係咳 !』
ta 老爸:『又係喎，咁順手整多支黎 !』
ta 媽子:『你膽固醇高呀你，你又食咩呀你!』
ta老爸:『個女拎俾我，我咩都唔知.......』

ta爸媽繼續打情罵俏......tata 就鯨吞係咁抵死.................
其實....... 佢地根本都唔會理下我囉.......................

ggggggg 黑 gggggggg

繼續黑仔... 冇啦啦生痱 G !!!!!!!!!!!!
最鬼憎!!

想嫁

我想知道，世上真的有如《一簾幽夢》中的費雲凡嗎??

我很想嫁給他。

台灣遊

上星期，吉之島做了個什麼什麼台灣美食節，我和媽媽快步的走了進去。
台灣喇，的確有很多很好吃的小食，不過，我最喜歡的，還是香港的那些糖蔥餅呀，雞蛋仔呀，夾餅呀，蠔餅呀..............
噢，流口水中...!!!

其中，我很喜歡吃這個麻脆花 ! 有人知道它是來自什麼地方嗎?
我多是在中國買到的，每當我要到廣州交功課呀﹑考試呀﹑上課呀，我一定買它2-3包，一路上好好的吃!!!

請看看我和媽媽難得一見的團結，哈哈，買了很多呀!!

媽媽說就當自己去到台灣，盡情的買呀買呀!!! 即其實我會想親身到台灣囉!!

爸爸回家看到了，好奇的問 :『你地去邊到買左咁多呢D野呀 ?』

我 + 媽媽:『台灣囉 !!!!!!!!!!!!!!!!!!!!!!!!!!!!!!!!!!!!!!!!!!! 』

懶 和 味道

上2個POST ，我寫左英文，我唔係懶型，係...............懶! (自摑中)

我打中文真係好慢麻.........

***********************************************************************************
今天，iTUNES Playlist 不停地重播，不停地聽著這首歌:

我以為傷心可以很少
我以為我能過得很好
誰知道一想你
思念苦無藥
無處可逃..........

想念你的笑
想念你的外套
想念你白色襪子
和你身上的味道
我想念你的吻
.............................

記憶中曾被愛的味道


80年代的人應該都曉唱吧，是的，這正是辛曉琪的 << 味道 >> ，每次聽到這首歌，腦海必定出現他的影像，心為他淌血，眼淚為他流......

我常說，聽覺和嗅覺比眼睛的記憶力強10萬倍，
要過目不忘，需要經過一定的鍛鍊，
但是，聽過的說話﹑聽過的歌﹑聽過的聲音﹑食物的味道﹑地方的味道﹑他被子/枕頭的味道....
那怕在什麼時候讓我聽到﹑嗅到，我都可以認得出來，
更可怕 ( 悲/ 笑 ) 的是，儘管是在 10年前﹑距離現在居住地 8 千 2 百里外的地方見過的任何人﹑發生過的任何事，都可以如數家珍般娓娓道來.....

味道就是這樣。

熱

熱到爆炸 !!
坐O係到都流汗!! 妖!

好想好想去蘇梅島游水呀!!!!
都好想去沙巴執貝殼囉~~~
不過睇黎最後都係求其去大陸的咩咩渡假村浸浸溫泉草草了事。 (中左六合彩的話)
香港的沙灘... 暫時沒有一個係合格嘅! 妖 !
唉, 都係行入浴室沖個涼算數。(自制情景: 36F 迫爆 + 少布BIKINI +出水芙蓉上水 )

P.S. 今年未買泳衣，ONE PIECE 定 BIKINI 好呢? 邊到有平野呢??

復活節

復活節假期到了，從新聞報導得知有50萬人離港旅遊，很羨慕。
( 嘩 ! 原來香港還有很多人很富有! ) 我....... 堅負重大責任: 振興本土消費，刺激世界經濟巨輪!
這個復活節假期成了我的清明節假期PART 2，因為正清去了澳門祭祀，香港的先人就安排在這段時間好了。
是次消費大概為 400元，買的都是給已過世的先人，今年最新祭品:

10元 排 9 一副
20元 啤牌10副
10元 大/小 + 魚蝦蟹

30元 唐裝長衫

38元 女套裝

20元 名牌: 鷹牌陀錶 (我想了很久，鷹牌是什麼意思?)

18元 名牌皮鞋，free size ( 冥國男人全部腳形大小都相同的?)

60元 交通套餐: 快達通嘟嘟卡，冥國PASSPORT，冥國回鄉証，多次永遠不過期來回冥國機票﹑火車票﹑船票
其中的冥國PASSPORT和冥國回鄉証內已註明: 簽發機構---冥國 ; 負責人簽署: 閻羅王 (!)

60元 金融套餐 : 支票簿: 中日美歐元通用
( 支票簿持有人已由我親筆填上先人名字，唯簽名位置留空，恐怕先人說我的筆跡和他們的不相像，現身或報夢投訴 ! (驚!)　)
存摺簿 : 我在結餘位置填上：　無限　（哈哈！）
銀行 -- 冥通銀行; 核實負責人 : 冥總經理 (估計他的姓氏--冥 )

20元 一盒金條 ( 5條 )

30元 一盒純正金元寶　(１０元之差，因金元寶上刻有－－－９９９９千足純金 )

25元 紙製燒餓一隻　　(尺寸: 兩部PSP左右)

50元 美甲套票 ( 指甲油牌子: 不是O.P.I.; 是 H.E.L.L )

嗯.... 其他的不記得了.... 其實很想買的還有很多 :

食 : 日本SUSHI便當，美國牛扒連鐵板，成本黃頁咁大的冥當奴薯條，地獄拉麵
電子產品 : HELL牌手提電腦，HELL 牌手寫板
玩 : 冥冥大賭場
潮: chanHELL 手袋 + 高跟鞋

有問題:
冥界的交通配套發展很快? 已經有快達通了 ?
又，為什麼沒有冥安芬的BRA / UNDER 的?? 冥國人全真空?

真的好起來~~

由3月21日生病至今天 4月2 日，足足13日，真的受不了，OK 了，終於今天開始好起來，現在還有咳，但不頻密; 還有痰，但再不是『一舊舊』了，我想一個星期後，我可以大叫大笑了!!! GIVE ME 5 !!!

爸爸說:『你知唔知你病左之後，間屋靜左好多，真係靜到出奇，好唔慣!』
他這樣說，是關心我嗎????
媽媽接著說:『個雪櫃迫左好多，益力多呀，手撕雞呀，橙呀..........，咩Q都唔食，擺哂O係度， 阻住哂我! 我果條魚呀，遊水架!!! 而家要SIP黎SIP去!!!』
嗯........ 她關心的是『游水魚』而不是我............................

嗯.... 我也不知道自己在期待什麼，都差不多『三張』，如果媽媽煲粥，扶我從床上坐起來，拿藥拿水送到我口邊，『阿女呀，乖乖地，食藥喇...』;
爸爸一回家便一個箭步衝進我房間，緊緊的捉著我的麒麟臂，大喊:『阿女，你今日見點呀? 唔好嚇爸爸呀!!!!!!!!』

我想我大概會這樣回應: 『咩料呀!!! 你地撞邪呀!!』

韓風味薯片

久別重逢，
兩兄弟又相擁又啜咀，
POOH 仔仲叫米仔上床玩TIM!

之後，
米仔出左廳搵野食，
搵到正野!!

米仔諗住拎去同POOH仔一齊排排坐睇電視!
佢地的『喜羊羊與大灰狼』卡通片。

坐定定，

POOH仔發現米仔手上有正野食!!

成個肥身『累』埋去，想偷食。

米仔見到勢色唔對，

即刻搵個羅柚『得』埋去，頂住佢個肥肚腩 !

聰明的米仔即刻爬上上格床，

手短腳短的POOH仔係爬唔到上去的!

米仔:『想食呀??你上黎囉!!』

POOH 仔:『你好野呀你!!!!! 你落黎呀你!』


品牌:卡樂B

名稱: 韓風味薯片

價錢: HKD 14.5 / 2包

鳴謝2位超級童星: 米仔小朋友，POOH仔小朋友

甜甜小公主

我很掛念你，甜甜小公主!

很希望再次看到甜甜小公主在皇宮內 SIR 黎 SIR 去，她和她的家人呀僕人呀老師呀朋友呀，事無大小都會SIR去東SIR去西的，我每次見到他們一群人整整齊齊地跑 (跑的身後一堆堆大煙，沙塵滾滾)，我就會捧腹大笑 !!
卡通片就是這樣，(或許應該說小時候的我比現在更容易笑，笑得比現在更厲害 ! ) 很喜歡它的誇張，簡單，天真，傻氣，可以讓我過一星期甜甜小公主的生活嗎??

朋友呀~ 有誰想加入?? 跟我一起跑啦 !!

還皮

小朋友 p 打電話給我，說東說西，哈哈大笑。
我說我沒有空喇，要寫論文，要掛線了 !
小朋友 p :『小息啦，小息時間 !』
我 : 『小朋友不可以頑皮呀 !』
小朋友 p :『噢????? 沒有呀 ! 我沒有還皮呀 ! 還錢，還書，沒有還皮喎。』
我:『哎呀，不要頑皮啦!!!』
小朋友 p 向他家的媽媽大叫 : 『媽咪 ! 剪 D 腳皮俾我呀 ! 契媽要皮呀 ! 要我還皮呀 !』




激死我 !

沒面子沒地位的長女

減肥真的好辛苦!!! 有得睇冇得食!!!　( 昨晚零晨偷吃了 4 分 1 盒手撕雞 ! 案發時間: 陀槍師姐2 )

已經節食了很久 ( 一星期 )！　不知道有沒有成績呢！？　
問了很多人(3個！)　『唔該你睇下我，有冇瘦到呀？你睇真Ｄ唔該！』

爸爸：『一個星期，邊到會有咁快睇到？牛高馬大，自己諗下啦！　仲有你愈來愈肥！』
我：『打搞哂。』

細佬：『嘩，好肥。』
我：『你月尾唔好問我借錢呀你！』

媽媽：『有。』
我：『嘩，真的！？　邊到瘦左呀？』
媽媽：『個羅柚細左。』
我：『但係我正面望住你，你又睇到我羅柚。。。。。。』
媽媽：『得啦！！　死開啦！！　隻匯豐控股又跌呀！』 (佢睇緊有線電影財經台)




沒面子沒地位的長女頭耷耷的俏俏的向睡房走去。。。