天下無不散之筵席

11 月02 日係我的 LAST DAY，有好多同事都好主動咁話請我食飯，我真係受寵若驚，我唔係咩野SENIOR，更加無為大家做過D咩野，咁都呃到一餐飯食!

日本餐
我DEPT 的同事 I 一早已提議同我食飯，之後其他同事又一呼百應! 最後仲要連女俠 A 都賞面去!
真係呢......好驚! 雖然話『飯點都要食...』 但係唔一定要同我食，又唔一定要請我食囉，我信佢地真心同我 FAREWELL!
平平實實的一餐，其實我好感動! 因為.... 同一個場景，係我第1日入黎做嘅時候出現過一次咋。
之後的LUNCH TIME，有D 會食自家製飯盒啦，有D會出街食啦，有D要ON DUTY啦，有D一路食一路睇FILE啦...... 冇咩幾可真係可以一齊坐埋專心咁食飯，輕鬆咁傾計。
呢一餐，我會好好記住。多謝你地。

飲茶
去飲茶啦，我以為3-4個女仔啦，點知原來成12人坐埋一圍呀!
最難得係唔同DEPT的同事都坐埋一圍，有D真係果日先係大家第1次見面 tim! 真係好俾面我囉!
大家叫野食呀，講呀笑呀，食到捧住個肚走!好開心咁!
我都笑到差D冇哂儀態~~
多謝你地，我都好希望你地以後做野都順利啦。

朱古力波波
呢個犀利喇，係M小姐 EO送架!
喺我心目中，EO真係好鬼高級!仲要佢係 EO 中的 SENIOR，真係呢..........勁人一個!佢送呢盒朱古力俾我的時候，我係 O 左咀，係大 O 唔係小 o 喎! 定左幾秒呀真係.............!!!
事緣佢唔得閒同我食飯，就送份小小的朱古力俾我喎! (ROYCE 朱古力....唔係小小的朱古力啦下話?!)

EO 真係 EO，無論行文書寫，講野做人都勝人一籌，佢好肯定咁講『我知你鐘意食朱古力!』
哈哈~ 觀察力超好啦，睇睇我個位，個 MONITOR 已經好明顯咁表示左出黎~~ =] 不過，佢係真係有心，記得我鍾意食!

好搞笑，其實我想講『我都知你一定會買有NUTS的朱古力!』
因為我好記得有1次佢入黎攞阿同事俊男 A 的小食，EO食呢隻果仁果個樣.....食完一粒又一粒，個樣好似小朋友食糖咁，好滿足咁~ 哈哈~!!!

講真，

ROYCE的朱古力都真係好滑架!

有冇人知有幾多粒?我原本想搵張紙打正字去MARK低有幾多粒...

點知... 我一剪完已經就 JA JA 林啪左3粒喇，根本唔記得要MARK正字.........

我唔係擦鞋唔係賣口乖，真係好多謝 EO ，睇睇個 O-CHART，身份地位學歷背景......真係遙不可及! 係真係可以唱『你我相隔多~~~麼~~~遠--------!』

步步高

呢野呢......... 唉，我都真係喊左出黎。

門口的同事C，早上見我踏入OFFICE，問:『TA小姐，你食左早餐未?』佢之前1次都冇問過。咁我又真係未食喎，答『未呀，你呢?』C:『你去Pantry睇下，一盒你架!』

佢一早起身煎俾我食架! omg! 咩野事?仲咩呀?點解呀?俾我? 佢話:『我唔想咁高調，知你要走喇，係咁2，希望你唔好介意，哎呀，死喇!唔記得你唔食豬肉..............』首先，sorry先，我出賣左你，不過我已經好低調咁冇講你個名........(嘻嘻!)

之後，佢同我講左好多鼓勵我嘅說話，又捉住我對手(奶野位1，身體接觸我實喊)，叫我唔好睇低自己呀，要為爸爸媽媽努力呀(奶野位2，一講我爸媽，我通常都喊!)，再講少少佛學道理(奶野位3，我信佛的，好明白佢講緊咩野。)，再講『我整糕俾你，係想你步步高升!』(各位觀眾，呢個已經係爆喊位! )其實果刻係好想大笑，咩事呀?拜年麼?!? 不過笑笑下，就眼矇矇成眼淚水，朗下朗下.......我要型! 所以都死忍，死都唔眨眼呀我!

同事 C 都有DUTY，唔講咁耐，埋位做野。我........... 就一個轉身扮忙.......其實，我都未開櫃桶攞帳簿，好多野都未做架。由我個位行去Mgr個櫃桶位，5-6步....我d眼淚已經爆哂出黎啦....!

烏冬餐

OK攞完鎖匙 CHECK埋EMAIL，去票房喇，呢2位票務同事呢....都算係我最直接同最多機會接觸喇，大家講下笑下，仲話有好工/好老公都會介紹我 tim~ 同事R比較內向，不過都講『你得閒返黎同我地傾計呀~』同事B『係呀，我地去食野搵埋你呀!』

又講下D白痴野呀，笑下笑下就夠鐘開工喇~ 其實都真係要多謝佢地，我新入黎做呢...好多野都冇佢地咁熟，佢地係會提醒我架~! 同埋，開心都好重要，晨早流流，日日大家都笑個痛快，笑住咁開工係好幸福架。

去到COUNTER， 同事R就捉住我話唔捨得我喇，之後同事H呀S呀K呀都有講埋一份。係咁講講講，我係彈開左，問同事R『咩事呀你地? 夾埋架? 我岩岩係上面已經好想喊 (其實係喊左!)，你地而家又想整喊我呀? 唔好喇掛? 我一早返工呀大佬，岩岩先係架車到化好個妝，而家喊我個妝好大鑊呀!!!!!』

佢地又約我LUNCH去食烏冬，又係叫到一臺都係食物，好熱情! 不過我真係好Q煩....食野又慢又小....真係唔係咁好意思! 搞笑地，佢地不停話我好人同埋靚女，當堂D烏冬係甜架啦~!! 咁我都仲係清醒嘅，我真係咁靚咁好人又點會我LAST DAY先講? 點會從來冇人問我攞電話同約我出街呀係咪先 !? 哈哈哈哈~~
TEA TIME 仲有送我一件旦TART，我其實真係飽到呢............................................. >.<
不過，真係好好食架，已經係第N次食呢個喇，我依然係吞左佢落肚，係堅正!

其實都要多謝呢一班同事呀，睇睇星期六呀星期日呀，唔係佢地ＬＵＣＫＹ，唔係佢地肯做，我點會咁順風順水準時收工呢？

西班牙菜

好意外! 我老闆 J 冇啦啦又話請我食飯! 我呢D係好人黎嘅，好HONEST:『下? 食左喇喎!』 老闆 J:『今次淨係管理組!』就係咁，又叫我諗餐廳喇。我只係行左入一間最近公司同最平的，(其實又真係一D都唔近唔平!)唉，我唔係好想要人地洗錢......!

OK呢餐係我呢半年最飽的一個LUNCH! 係好多野食~! 同埋好好食!! 我呢....真係食到抖哂大氣!!大家影下相，真係傾下計，WOOHOOO~ 好WARM呀!

GOODBYE

我買左2盒朱古力1盒COOKIE，點知都係唔夠分　(仲要俾我遇到山賊!!)

所有同事都對我好好，大家都真係合作愉快，好唔捨得呀!

遺憾LAST DAY 見唔到同事I，佢形象係好鮮明的----- 一團火!火勢係10級! 好多人都話佢咩咩咩唔好，又點樣點樣惡死，咁我好好彩，同事I又對我冇咩野喎，仲當我女咁湊，真係冇俾佢燒傷過。我會再搵同事I 一次，我有野要俾佢仲未俾~

遺憾趕唔切去傻男 A 的HOUSEWARMING，傻男 A 的的確確係好人一個，成日都講『胡亂』!胡亂做呀﹑胡亂食呀﹑咩都可以胡亂...............希望佢快D『胡亂』搵到個女伴喇~

遺憾冇同老闆 J 來個GOODBYE HUG，我收工想行埋去的時間，唔知邊個打電話俾佢，仲傾到好似有DD火起....哎呀..天氣乾燥，小心山火~

100%白痴------ 我同女俠A來個GOODBYE HUG啦.......我行前一步佢又行前一步，一HUG---------- 嘩! 死喇今次!　我一腳踩左落佢隻腳到呀!!!!! 好樣衰......... 好想問:『可唔可以TAKE 2呀?』

仲有阿PR同事V，都好大原因係佢我可以咁快識到咁多朋友，不過，當我同其他人HUG的時候，佢就次次係我後面大叫『你地好核突呀!攬咩呀!!!!』 OK，我決定唔攬佢!

嗯...............就係咁喇，我決定寫低哂佢，因為，返工真係可以好開心架~!