唔該唔好咁叫我

昨晚徹夜未眠，原因是追劇。
( 唔知點解寫親個追字就諗起追風!! 無他，自一篇 死人風 之後:
1. 有個Blog友 - 港男大力，竟然仲可以在我的 BRUNCH post 留 comment 講追風 !
2. 朋友 S ，2日前，同我玩低能 EMAIL 時講死人風 GAG!
3. 偶像王菲又成日晚晚宮心計之後來個'追風'廣告 !!! 成個廣告..... 吹黎吹去，好多風呀!撞鬼! )



今晨 6 時開始睡，10時就硬著頭皮起床了，很想很想多睡一點，不過... 真的餓到不行，餓至胃痛，就心不甘情不願地起床了......

『阿一，肚唔肚餓??』 ta 媽子一邊看報紙，一邊說。
( 成個醒哂，我係咪未訓醒? 發緊夢? 邊個係阿一? 我阿媽見鬼呀? 我一早起身個樣又未至於似鬼下WA? 咁係就算似鬼，又『阿一』咩鬼野呢? )
『 ta媽子，你冇野麻? 唔好嚇我!』我很怕我的家人患上了思覺失調﹑失憶﹑老人痴呆.....
『講乜野呀你呀!!!唔好講廢話!!』 ( 唔該有冇人可以介紹下? 邊到有免費 DNA 測試，晨早流流我阿媽咁樣寸我! 係咪親生架?? )
『我驚你唔知有咩事啫!!! [ D 你!洗唔洗咁寸呀!? (我心諗) ] 你頭先係咪同我講野?你冇啦啦叫我做阿一呀!!? 』
『你今日就係叫阿一! 你最大，你咪係阿一囖! 幾好聽!咩你唔知咩? 咩你唔鐘意咩? 』
『唔該唔好咁樣叫我啦，你咁叫我，我係一定唔會應你!!而家唔係一百年前，什麼 王一﹑張二﹑陳帶金﹑何帶娣 ....!』
『哦，咁你就唔好應啦，之不過我會走埋你身邊指住你，大大聲問: 阿一，你扮聾呀!? 』



急求 免費 DNA 測試 !