陵發潮州白粥

心血來潮，我好想食打冷! 想食蠔餅!! 不過唔想去廟街。
呢個時候，就係果個為食男朋友發揮佢功能既時間!! 只用上幾秒，就決定去太子 !

陵發潮州白粥


煎蠔餅,鬆化脆口!!
漲卜卜既蠔仔! 數量好多! 金黃的脆漿非常通透香口，蠔仔更是肥美鮮甜, 難得真係粒粒飽滿,皮又薄，咬落去，蛋汁呀蠔汁呀都好香好正呀!!

巨蠔 - 粒粒都爆蠔汁架!

大眼雞

呢到既肉係滑架! 仲有果2碟黃豆醬好好味，通常都係肉質過鞋 & 個汁過咸，呢到就一定唔會囉!

打包了一個給爸爸吃，大腸入味十分乾淨，不肥不膩!
推介菜式: 煎蠔餅 + 炆鳳爪 >>>>>> 又平又抵食,份量十足

食肆: 陵發潮州白粥
地址: 新填地街627號(近太子地鐵站)