村姑

是的，我是村姑呀，一大朝早，睡眼惺忪，頭上綁上一個大髻，大大個 Gucci 手袋往膊頭上一扛，手挽一個小小的環保袋 ( 飯盒袋啦 )，每天準時 07:40AM 第一個衝上村巴的就是我 ! 哈哈 ~ 仲咩要衝 ? 仲咩要做第一個 ? 當然有原因喇 ! 為的是要選一個寬敞又不會被太陽曬到的好位置 !

好位置佔據成功後，即可進行第2步計劃--化妝 ! 要是你看到有人一上車就開始化妝，那個好可能就是我喇。
通常我乘車上班/ 下班回家，我都不會睡(因為睡不到而已，可以的話，我都很想可多睡一點)，我只會利用那 1 小時去做我要做的事，如化妝。
普通的一個 OL 妝，大概需時 15 分鐘，花了很多時間在眼睫毛上，擦呀擦呀，很努力!

好多人都說女人在車上化妝很不雅，如在人前表演國粹--變臉，又說眼冤程度如一對愛得火熱的小情侶在地鐵車箱中互唧暗瘡!
我不認同!
比起那些在車上睡得東倒西歪，個頭不停地動L~ 動L~去人地個膊頭又或者動L~出走廊嘅人.....
女人男人全部訓到頭昂昂，個口擘到成個拳頭咁大嘅人....
飯袋手袋未拉上就訓，司機來個急轉彎，所有物品跌滿一地嘅人.....
掛住訓教唔記得落車...一落車就好似岩岩去完SALON SET 頭咁款 :
男人個個做左專業 STYLIST，後尾枕會出現比專業 SET 頭還要好的一個標準90度直角!!
女人就個個頭甩髻甩，條馬尾辮子由後尾枕移位移到去耳仔對上近眼尾位置!!

只有我，下車時高貴大方，容光煥發 !! 車上化妝有何不可 ? 有何不好 ?