近況良好

救命….又爛野!!
今朝化妝，塊鏡跌左落地，爛哂啦。
唉….. 銀色既心心鏡呀….都係我心愛之一，仲咩呢幾日我鐘意D野一件一件係咁爛呀?
今日爛鏡，大吉利是囉。

成個5 月，幾個星期六﹑日都唔洗返工呀。
星期五放工搭船返香港，六﹑日就去玩，星期一先返去返工，好PERFECT!
不過………
咁樣一來一回，交通費會好貴喇。我呢個月又失控咁買左好多野，冇錢啦。
香港，我好掛住你呀!


公司既PROMOTION會由6 月份先再開始，6 月既WEEKEND又係要返工架喇。
而家返工都幾忙，我都負責左好多6 -7月份既野，廣告﹑宣傳﹑印刷﹑抽獎﹑司儀….等等。我忙得好開心。
最最最開心係我會負責呢次既錄音帶，我把聲會o係公司播足個幾月，YEAH!
上次冇我份錄….係因為我講野d音唔正囉…. 我今次唔知pass 唔pass到呢?



P.S. 5月11日，我成功過左試用期喇。