下癮 上癮

今朝 7 30起身，諗住去跑步，
個天好黑啦，
天氣又好涷啦，
個地又好濕啦，
個身又好軟啦，
個被竇又好舒服啦....
咁.... 跑步呢D野，又係會上癮，跑開唔跑周身痕，
唔跑開呢，又會下癮，好明顯我已經有d下癮傾向喇，嗯...咁啦，.............聽日先開始丫。請支持!

返到公司，即磨左一杯特濃 Espresso 黎飲，日日都一杯，有時晏晝 tea time 再 encore 多一杯。
tea lady 話我愈飲愈濃，叫我加一匙糖。我無加到。 =p
我唔知係咪對飲咖啡上左癮，不過聞到就好輕奮...
噢~或者唔係對飲咖啡上癮，而係聞咖啡聞上癮...? 咁咖啡濃得滯會唔會有害丫?
仲有呢....我成日都覺得咖啡應該係熱澀香的，加冰奶糖都唔好飲，最近有人叫我加檸試下，我就未試，唔知係咪正match 。