好似又撞鬼了.........

琴晚去左睇戲，睇到12點幾，返到屋企都差唔多2點喇...
因為追緊套台劇，之前2晚都好早訓 ( 5點半 am )，所以其實個人都幾攰嘅........
唉，好似又撞鬼囉，係呀，又係我呀，識我嘅都知我有幾個經典同呢Ｄ靈界（被迫）接觸嘅經過啦，都唔知點解成日都係我囉。。。

咁我今日就想同我的可愛媽媽講啦：
果晚搭 lift 返上樓，2 am 好夜喇，成架 lift 得我一個人囉...... ( 形做羅蘭氣氛中。。。。）
地下開始: G/F ....1/F...2/F...3/F................15/F 都好地地喎，（我住頂樓 30 機樓啦）一路搭 LIFT ，我仲諗：　今晚睇唔睇台劇好呢？
１５／Ｆ　開始：我就聽到我身後面有２個女人ｏ係到講野，個內容係：『嗯下喜呀耶化衣喇打尺刃臣刷。。。。』有人（？）回答：『喚吳閃門星門明分針父分公田金』
我就企正ｏ係 lift 門前面，以為係門''喇''傳入黎嘅，我就諗，１５／Ｆ邊個夜馬馬講野仲講到咁大聲呀？人地唔洗訓咩。。。
１６／Ｆ－１８／Ｆ：仲聽到果兩個女人（？）傾計，『嗯下喜呀耶化衣喇打尺刃臣刷。。。。』『喚吳閃門星門明分針父分公田金』
我就諗，咩野女人講野可以講到３層樓都聽到呀？　痴鬼線，一陣打電話去管理處投訴先！
１９／Ｆ－２３／Ｆ：仲係聽到喎！仲ＦＥＥＬ到係講得好ＨＩＧＨ，我開始覺得怪，摸摸自己耳仔，係咪幻聽呀？冇理由呀，我成日都冇聽ＩＰＯＤ，唔會有殘餘聲音喎。。。
２４／Ｆ－２８／Ｆ：唔係呀麻？仲有嘅？我隻耳係咪有事？　唔通有人留低左部播緊ＭＯＶＩＥ嘅ＩＰＨＯＮＥ？（呢個位，我唔知係咪發錢寒）我一野拎個頭去後面睇下啦，搵黎搵去－－－－－－咩都冇！
２９／Ｆ－３３／Ｆ：兩個女人（？）愈講愈ＨＹＰＥＲ。。。我心諗：講夠未呀？好Ｑ煩呀！
３４／Ｆ：冇左聲。　我就開始攞鎖匙包喇。。。
之後，我係ＴＯＴＡＬＬＹ冇左件事，因為又熱又急尿又眼訓，去左沖涼落妝，冇諗ｌｕ

今日我問媽媽：『呢ｄ係咪傳說中嘅鬼食泥呀？』
媽：（黑我面＋唔出聲）
爸：『你疑心生暗鬼啫，有時ｄ人講野大聲，都會聽到啦。。』
我：『１５／Ｆ－３４／Ｆ喎。。。有人講野可以咁大聲咩？　仲有我不嬲都唔驚呢Ｄ，呢到又係我屋企，唔會疑心生暗鬼喎。』
媽（怒吼）：『做戲做全套啦你，你咁樣成世人都冇發達啦！你下次同人講就話你ＦＥＥＬ到後面有怪風，又見到有一灘血，根住你好驚，成身郁唔到，一開門就去左地府之類！　成日Ｏ係到ＳＩＤＥ時間，迫我聽埋呢Ｄ野，唔好阻我睇股市，咪阻人發達！講個鬼故都唔識講，邊有出頭呀你？旨意你養我呀？去食泥啦！』

我：『唔該哂。』

我真係覺得呢Ｄ係鬼話，係鬼食泥。