被玩弄

幾日前，就當我興致勃勃地打扮得靚靚，去朋友的生日PARTY，心想可以RELAX 一下，把失業﹑失望﹑5萬字論文拋諸腦後。
怎知，就給一個沒有來電顯示的電腦把我搞得喘不過氣來。

晚上，7:30 pm
『我係澳門xx酒店打黎，你早排apply左份工，想同你做個phone interview，你方便嗎?』
答: 係咪xx酒店xx 部門呀?
『係。我係澳門打黎，長途黎。』(長什麼途!! 巴閉!! 一個skype，hk$0蚊囉!)
答:好呀，不過我而家搭緊巴士，可能會嘈d，希望你唔好介意。
『啊，呢d你唔洗同我講。』(妖你!)
答: 唔好意思。
『你之前果份工係做d咩? 係咩公司?我未聽過!!』(我係FEEL到佢係反白眼+咀瞄瞄!)
答了。
『下，做呢d? 嘩，你果間公司就係得果10幾個人?』( 仆街! 香港9成都係中小企，自由貿易!! 屌，唔通會有國有企業 / 國有工廠? 900幾人? 膠花女工??)
答: 是的，或者你對香港trading方面不太熟，情況大致上是這樣，一般香港的貿易公司都係咁。
『你講咩又customer visit又customer meeting，兩樣野咪一樣!你以為用唔同方法講，我會認為你可以做好多野?』(小人之心的死八婆!)
答: 嗯，係咁嘅，customer visit 係一般定期的visit，好似PR咁，定期拎d產品去同d客傾下計，打好下關係。
custimer meeting 係當客人confirm order，就要同customer 傾下d細節+簽合同。
『你解咩呀? 你以為我真係唔知呀?』( O左咀 )『你主修旅遊，畢業後仲咩去做TRADING?』
答:行行出狀元+後生多嘗試+唔同工作經驗......等等。
『你個答案好怪!完全唔明!不過你唔洗再講，你愈來愈離題!』(我冇離題!)
答: 唔好意思，邊一方面我講得唔好? 你唔介意，我可以再嘗試表達1次。
『入返正題，你仲咩想做酒店?』
答: 我主修旅遊，當然係對旅遊/酒店係好有興趣.......
『唔係一定!唔係當然!』
答: 另外，我係熱愛呢一個行業，因為...
『下? 唔係呀嘩!..............( 喪笑8秒 ) 熱愛??? 但係你畢業後做TRADING? 咩係熱愛呀!!!』
重覆答我做TRADING嘅原因。
『得啦得啦。入返正題啦你。』(仲咩又係我錯?)
咁我再解釋仲咩想做酒店.....
『啊，我明哂，你之前入TRADING呢行，係唔鍾意返SHIFT，係咪呀? 』
『唔緊要，你同我講真心話，我可以就住你，幫你MATCH下其他工。知嗎?』(嘩... 佢把聲好人到呢.....超NICE的朋友咁)
根本已經唔係講緊點解做TRADING，佢又離題...仲有我冇提及有關SHIFT呢個POINT，佢老吹出黎。
仲要想FAKE我，扮哂真心摯友，想試我!?!? 我同你講`係，你即刻同我講BYEBYE啦!
答:我唔會介意返SHIFT，事實上，酒店業係返SHIFT嘅，我知道。仲有你可以REFER我之前AIRLINE的工，係返SHIFT嘅，所以我知係咩一回事，同我已經習慣。
『你認為我地份工要做D咩?』
答:呢一份工係咪指Admin coordinator?
『你唔係呀麻? 未訓醒?你唔知你同緊邊個講野呀?』(佢有冇答過我?)
答: 唔好意思，係咁嘅，3個月前，我o係貴公司apply左好幾份工，同埋，X小姐，你只講過你係HR，所以我想確認一下，唔知可唔可以呢?
『我冇講?點會呀? 係啦，ADMIN果份，你明知就唔洗問啦。 』
我答左一般ADMIN的工作，問:唔知岩唔岩呢? 或者麻煩小姐你講俾我聽。
『下?好多架喎!例如:............. 你自己上網睇! 』(即係佢係講唔出，根本佢自己冇做好功課。咁，佢會點COMMENT我的答案呢?真係天曉得。)
答:明白!唔該。(真係多哂!)
『你話我知點解要請你?』
答: MS OFFICE +COMMUNICATION+PAPERWORK+WORK UNDER PRESSURE+WILLING TO WORK OT................
『即係，你認為識用電腦，就自然勝任呢份工，係咪可以咁講?』(我唔明佢呢個CONCLUSION點黎........)
(下刪9千萬字.............)

足足『interview』了40分鐘，剛好在我下車前掛了線。
是什麼鬼公司? 5星酒店的hr是如此的工作態度? 是什麼幾10萬銀1個月的工嗎?
只是1份admin coordinator。大概人工也高不到哪裡去.........

我就是如此這般被耍了。
是晚心情不太好，最後只好把一杯又一杯的威士忌大口大口地喝下去，好讓它把我滿肚抑鬱和納悶狠狠地沖出去。