年尾流流

抄黑仔...
係幾個月之後我打爛左個花樽，今朝起身竟然踩到果D玻璃碎，...
而家行路仲隱隱作痛!唔該你俾 D 好運我丫。

公司好多人病喎，個個又咳又發燒，充分睇到呢個流感真係好堅呀!
唔該唔好傳染我，真係唔好又又又又又又又又又又又係我!
我最憎就係又病又痛咁過年，真真正正病足 2 年咩!?..........我啋!

冇時間喇, 今日年23喇~!
放工一返到屋企即掃地洗地，洗左 TOILET 同 KITCHEN 咋...
仲有 2 間房 2 個廳未執丫...已經好累，我今晚唔記得食野, 好肚餓呀!好想食 Kinder 繽紛樂呀!

年尾流流，年年都係咁，抄忙呀!!!

食豪D啦！

C: 食咩好？大家樂？美心？

T:食豪D啦！

C: 咁例如呢？

T: 不如....許留山

C: .........................原來許留山係豪過大家樂!

我地2個大笑左半條街，咩事丫，成日笑笑笑! 澳門無許留山囉，返黎都唔俾人去!

『等等等...等!!』『小姐俾反治!』

黃金週期間，我相信從事娛樂事業既朋友都已經係忙到癲左。我都不例外。
無得放假，連踩一百數十晚.... 踩到爆瘡生雞眼!!

日日個個鐘頭我去派錢派獎，呢個世界真係好多有錢人，五十蚊一百蚊五佰蚊一千蚊........
一樣飛落地加多一句粗口表示對本部門之感謝。根本，佢地懶得行上兩層去帳房攞錢。
噢...... 可唔可以換完錢先飛落地呢?
我一定會飛身訓地去執，並不是貪心，只是為免影響市容及要保持本娛樂場之環境清潔也。

派派下，聽到有台大叫『等等等...等!!』!
係12個大陸男人一齊叫!
(OH MY GOD，我一路打一路笑呀而家)
我八卦行去睇下等咩啦，原來佢地玩百家樂，一齊叫『頂』!
仲要呢...呵呵呵死喇笑死我喇!
佢地係一齊用個右手手踭勁鋤張台!超團結超齊呀!

同一個賭區係同一個旅行團，可能我今日著靚左+有心機化妝，個個以為我好高級。
我已經一路俾人問野不過我唔明佢問咩，個個拎張會員卡出黎俾我:『小姐俾反治!』
我終於停低問返佢:『要咩反治呀?!』
『俾黎啦!俾反治!』
我諗佢以為我係餐飲部:『係咪蛋治呀?!』

『俾反治!』我諗咩野黎架?咩野三文治係叫反治架?
個荷官望望我，再俾我GOOD手勢，同事 O 以為我俾人圍行過黎救我。
之後我笑到死左，估唔估到佢地講咩?
『俾房住呀!』笑死我喇!

7 月中發生的幾件事

好多日冇寫blog喇，太攰。返工對住電腦既時間長得雜普，返到屋企真係唔想再對住個notebook，對到想嘔。

7 月過左一大半喇，都發生左唔少事:

No.1 世界盃

四年一度，上屆有EX陪我睇夠我估冠軍，最後意大利真係捧盃，贏左好多錢。

今年大家分開左，都有分享下波經，不過大家想法就大相逕庭，佢撐荷蘭，我撐西班牙。

西班牙贏左，對我既意義好大。呵呵~ 不可不信，我係勁喎。

No.2大翻身
廚房洗手間大變身，呢樣真係要多謝包租婆。
爆渠漏水天花剝落等等等等，一路以來都得過且過，今個月佢心情好，同埋真係好錫我，全部一次過換哂佢。
真係呢…爽死!

No.3 睇醫生
我有D唔想再睇醫生，不過由於我可能或者唔知係唔係太偏食，身子真係唔係太好。
又要$，又要成日帶住D藥出街，好鬼煩。唔食會點先? 會缺乏營養會有病囉，最煩就係無啦啦休克。再一次鳴謝:
朋友W o係 尖沙咀 同荃灣 扶我，唔係有佢，我撞爆頭死左10年。
朋友R o係 地鐵入面抱起我出車既同時都仲要幫我執返部跌左O係地既電話。

No.4 燙傷
煮麵煮左20幾年啦，有一日離奇地竟然被燙傷。
剛剛我又著住背心超短褲，我係嚇死多過痛死，好好好好好好好好好好驚會有疤痕囉。
最後係好好彩零疤痕，唔係就一世喇，搵鬼要咩。

No.5 男人按摩
第一次，真係第一次俾個男人按摩，按身。
係我完全唔知情既情況下，女人變男人，我知道既時候，好想打巴佢，好似俾人非禮左成個鐘咁。

NO.6 前度
同ex 既關係好似好疏離，大家暫時唔見面係一個正確既決定。
有時候大家會在網上討論一D好私人好深入既事情，坦白講，聽完真係會呷醋會妒忌會不忿，我估呢D都係正常反應，始終我係女人一個。
其間同佢食過幾次飯，有一次係我最難忘既，一齊坐一齊食野，佢都係好似以前咁幫我諗我會鐘意食咩，又夾呢樣果樣俾我，仲好記得我食野既習慣。

我個心依然係好關心佢，可能我真係一個好善良既人卦，我會希望佢工作順利，生活愉快，同新女朋友既關係認真長久。不過，呢一種善良換來的會是一種對自己好慘痛精神折磨。

點都好，我都希望佢地一齊會快樂。

No.7 友人結婚

又有人結婚，紅色炸彈一個接一個。

身邊最好既男人朋友S 終於修成正果，決定成家立室，以後真係辛苦哂 P嫂，照顧呢個….哎，唔知用咩黎形容佢喇真係。

好姊妹C都結婚喇，去去下法國旅行，佢男人無啦啦好似拍戲咁同佢求婚，SWEET到暈喇。

妹妹A年尾就結婚，時間緊迫，睇住佢忟憎，睇住佢瘦，睇住佢為呢樣果樣野煩，人都癲。

結婚，其實係為咩野?

婚禮，又係為咩要搞?

咁我都咁上下啦，中女架喇，仲坐o係到得乜呢又..........!?

No.8 抑鬱

有一個星期，抄抑鬱。

屋企人俾我既壓力使我呼吸唔到，公司多野做到我負荷唔到，感情生活過度寂寞同過度充實我又接受唔到，食慾下降+失眠更令我連脾氣都控制唔到。

我抄憎呢d感覺，我個人其實真係好簡單，我想人人都係好人，日日都過得簡單開心。

分分秒秒既抱怨呀﹑投訴呀﹑納悶呀… 根本每朝早都唔想起身去迎接呢d日子。

不過，已經過去喇。

No.9

朋友L既戀情有異樣，喊到返唔到工，喊到唔想見人，喊到連我返左香港佢都唔肯見我。

我好心疼，好緊張佢唔知捱唔捱到呢一關，知道佢愛呢個男人，不過都知道呢個男人已經開始變心。

點樣先可以令男人鐘意返自己多D? 無人識答。

變了就是變了。

世事無絕對，可能一個小分手，會令佢知道妳曾經對佢幾好，又，會令妳自己知道妳真正需要既係邊種男人。

No.10 羊花會

羊花會既成立…..真係….可喜可賀。

羊花會宗旨係要找尋開心，即使開心包含了思想﹑身體﹑身份﹑宗教同道德上既不當和背叛。

暫時成員有三: 包括淫羊羊﹑蕩羊羊﹑姣羊羊------------------人丁單薄，暫時無什麼可以分享。

我本人姣羊羊入會以來從未對此會作出任何貢獻。( 請敬禮 ! )

首先，如其名 – 盡量發姣，不過，從未得到其他成員的認同，正在努力學習當中。

淫羊羊﹑蕩羊羊積極籌備了很多 party 和 gathering，睇睇到時係咪真係大家又有新既人生啦。

復活節 @ 澳門

EASTER好忙，有好多朋友黎左澳門，我選擇左招呼其中的2班朋友，因為我得一個人又而且真係冇咁多時間，朋友D﹑朋友A﹑朋友U……唔好意思。
EASTER期間，澳門好似俾香港人攻陷左咁，個個都手持地圖呀，澳門自助遊既書呀，一個一個咁排隊等食，係真係排長 ----------- 長 ------- 長龍，為左食一碗麵，閒閒地要企門口等45分鐘，都大把人排隊，『阿蘇效應』真係好勁。

我會推介六記。
真係好食，同埋... 童年回憶，主觀地加左100分喇已經.... 呵呵呵呵~~

真係好搞笑，都真係香港人先會咁:

攞左籌仔，可以行開少少等位嗎? 個個企o係門口，迫爆個門口先安樂.......

唔係先到先得﹑唔係鬥快舉手... 迫o係人地門口又或者步步緊貼個帶位....係咪會快D到你丫?

點解有D人係會企埋入去間餐廳入面，企埋去人地食客張臺隔離，望住人地食，睇人地食咩，睇人地幾時食完.......
咩野事呀究竟? 『不設企位 』囉。

仲有，唔好乘機製造混亂啦:
『姓陳既，陳小姐5位，有冇?』
『我呀，我姓陳呀(男人)，我 7 位喎!』<-- 即係好明顯唔係你。
『 有呀，5 位你俾我先啦，我姓王呀!』<--即係擺明打尖。
『我都係5位，幾時到我呀???』<-- 即係可唔可以唔好問埋呢D冇人答到既問題呀。
『冇呀，睇住佢岩岩走左喇。』<-- 即係呢.... 真係唔該哂你!!!

首先唔評論阿蘇介紹的食物有幾 SO GOOD，我想問一問排隊既人，點解唔用其他方法去好好享受下人生，過一個更優質的假期，靜靜的慢慢的，輕輕鬆鬆過下日晨呢? 平時都已經企得多﹑排得多﹑迫得多喇……放假又何必再係咁呢?


結果聽到好多香港人都怨聲載度，又話人地D野出得慢，又話手腳唔夠快…
我唔係想偏幫澳門，而係根本澳門的人﹑生活節奏﹑工作態度﹑文化習慣都同香港好唔一樣，點解要批評呢樣果樣?
去到邊食到邊，體驗一下，又或者踫踫運氣，憑自己發掘一下食店又有何不可呢!?
我覺得本住 ‘探險’精神，旅行先會有多d笑料，多d樂趣。

P.S. 米仔o係呢個easter好叻仔，識左個女朋友，仲已經去到拖手仔階段!! 佢阿媽我就咩都冇。

金沙牛扒 Steak @ Sands

time flies.
i've moved to macao for 1.5 months already. i'm doing good n staying happi, as always. thank god.
Yet i will feel lonely n empty sometimes, especially in the middle of the nite.
i miss my family. i wanna see them every sundays tho they had already visited me twice.

one bad news.
i gained weight! 6 lbs! What the ...........!!!

good food everywhere, here in macao.
Even though i tried one bite only, still, i  would say this is a very good steak!
Its FREE if you could finish it by ONLY YOU yourself.

60 oz quality steak @ Sands

6-inch-portuguese-egg-tart

Dear friends,

come visit me often.i miss you all.

綿羊仔40

今日同新識的朋友 E 去食越南野，ok好食的，不過好大碗，好大碟，好飽。
不過... 都係好掛住三藩市哥d越南粉，唔知下次(仲有冇下次?)去食野係幾時呢.....?

真係好地道的澳門男人，用左架綿羊仔黎接我收工!
好彩係好好彩我著左褲，如果唔係，我係唔會上車囉!!!!!
開車無耐，我好醒咁講:『 WA，唔快囉，一D都唔驚囉!』

『小姐，而家行緊 40 囉。』

豬夠未呀.....

請問今日個大廚係咪同豬有仇:

燒鴨+梅菜豬肉+豬手+排骨+東瓜+白飯+豬肉碎粥+菜干煲豬爭
我只可以揀: 東瓜+白飯
放入口，好想對住個廚房大叫:係咪癲架!!!!!!!? 涷瓜涷飯咩事呀!!!!!!
一路食，一路擰頭，我係控制唔到我個頭，一路擰一路唉...
同事見到笑左:『你食下豬手啦，豬手好熱，出煙架!!! 』

頂頂頂頂頂頂，豬牛羊鴨鵝蛇狗，有咩好食丫，唔食呢 D 唔算偏食掛??

下癮 上癮

今朝 7 30起身，諗住去跑步，
個天好黑啦，
天氣又好涷啦，
個地又好濕啦，
個身又好軟啦，
個被竇又好舒服啦....
咁.... 跑步呢D野，又係會上癮，跑開唔跑周身痕，
唔跑開呢，又會下癮，好明顯我已經有d下癮傾向喇，嗯...咁啦，.............聽日先開始丫。請支持!

返到公司，即磨左一杯特濃 Espresso 黎飲，日日都一杯，有時晏晝 tea time 再 encore 多一杯。
tea lady 話我愈飲愈濃，叫我加一匙糖。我無加到。 =p
我唔知係咪對飲咖啡上左癮，不過聞到就好輕奮...
噢~或者唔係對飲咖啡上癮，而係聞咖啡聞上癮...? 咁咖啡濃得滯會唔會有害丫?
仲有呢....我成日都覺得咖啡應該係熱澀香的，加冰奶糖都唔好飲，最近有人叫我加檸試下，我就未試，唔知係咪正match 。

病

昨晚，隱隱作痛。
頭痛，作嘔，腸抽筋，痾左 8 次。

早上，痛到不行。
發燒，又作嘔，又痾 2 次，暈左。急性腸胃炎。

睇醫生，打埋針，抄多藥丸。
一出糧即破財。POOR ME!

三﹑四日內，只可食梳打餅。
不過，今日偷偷地去左燒灰爐西灣安記，偷偷地買左個辣魚包，又偷偷地放左入口。
之後..... 大肚腩內面果條腸不停抗議..........
晚上，放左工，收到電話，好開心好 surprise，朋友 C 過左黎探我，仲一行 5 人去左祥記，我又偷偷食左一小碗蝦子撈麵，又偷偷放左一塊魚皮入口。
20分鐘後，標冷汗，又肚痛..........

幾天前，我路過超市見到我的最愛珍珍薯圈出左新包裝，即刻買左，

我覺得個圈字真係好圈圈囉，哈哈。
而家成日都對住但係又唔可以食，
好慘呀............!!!

抄痛!!

今日我遲到呀!! 足足6分鐘…會唔會過唔到probation呢?


再之後，因為太急趕啦，冇買早餐，又唔想去員工餐廳食，就決定咩都唔食算數。
日日如是，一杯黑咖啡，不過今日就轉左，飲左一杯抄香的 espresso。
3分鐘之後，抄快，個胃抄痛!!
唔知肚餓定係咩啦…咁我就食左本身帶黎準備 tea time 的生果，食哂: 半個橙 + 一個奇異果。
5分鐘之後，抄快囉都係，到我個肚抄痛，好似俾人一針一針吉入去咁 !!
一定要去洗手間啦呢D位，足足係2次囉!! 抄尷尬!!


直到而家都仲係胃痛… 想點丫…

仲有… 而家個肚打緊鼓，抄肚餓呀!!!!!

食物緣份遊戲

好想食 xxx
如果有人突然請我食，我會好愛 kui 。

我想

我想:

到廣州買書，因為真係要真真正正把論文修改一下，死線迫在眉睫。
不過，
年近歲晚，治安會不會很差 ?　已經很倒霉的我會否被劫財？

到蒙古　／　新疆去，因為想去看草，美海／美雪我都看過，欠美草。
不過，
無人陪我去，朋友們說那些悶地方不合適二十幾歲去。

同埋，
想打開房門，即刻有得飲紅豆冰。

愛吃的朋友

譚仔雲南米線 - 雞翼

有一次，下雨天，橫風橫雨，朋友 R 很愛吃米線，他和我硬著頭皮跑了一條街，風吹得很勁，我是真的第一次感受到，風是真的有能力把我吹向前/後/歪的....

愛吃的人就是如此，除非心中沒有食念，否則，如一想起什麼什麼想吃的，千里迢迢﹑攀山涉水﹑爆破山洞﹑又或飽得連十二指腸已漲至爆肚而出，都要硬塞那串麻辣魚旦入胃裡面去。

最後，衝入一個網上得了很多好評的一間著名米線店 -- 譚仔雲南米線。

嗯... 我點了中辣，都不是很辣啦，不過真的很熱啦，OK好食喇，但實在太大碗，米線好像吃不完似的。

我奮鬥了良久，真的吃不下去，推給朋友 R 替我 KO 它，( 請注意，邀請我陪吃飯的你們，請勿預先打底.......) 而我就再多點了一份雞翼，賣相十分恐怖!!!! ( 這是我最怕的事物之一 ，有機會再說明之。)不過，我覺得十分好吃。

柯華田機智豆，我永遠懷念你。

其中一份新年禮物喇~

噢........ 幾時同埋點解 D 糖會轉左樣同質地架 ???

可唔可以唔好再改呢改路呢??? 舊野唔係一定差咯....... 又少一樣集體點憶.....

同埋呢.... 轉左呢個款呢隻色呢個質感..... 我唔鐘意食 LU............

是誰的安排 ?

元氣咭

上星期收到的，莫名其妙。
我喜歡吃日本菜，我喜歡元氣( 多過元祿 )，不過，我正努力防止中年發漲 (福 ) ，要戒吃飯呀!

是誰的安排 ? 謝謝你。

唔係呀化?

唔係掛? 送 2 隻熊貓俾澳門? 係--咪--痴--左--線 ?
請問點處置佢地?

澳門喎?? 邊到有個公園出黎俾佢地住? 澳門喎!? 唔通 白鴿巢公園 ? 哈哈~~
咁佢地一定日日都係搵兩片竹葉抹眼淚喇，細到咁.... 點住呀?
佢地叫咩名好呢? 『家家』 和『樂樂』啦，百家樂真係澳門的ICON啦。

會唔會又係O係橫琴有新公園呢??




P.S.死人 Andrew 叫人買餅而家又話唔要!!!
不過算數，我又靚又大方唔嬲你，你下次返鄉下比利時，買返多 d 朱古力俾我補數呀下!!

再 P.S. <<< 我想食廟街的煲仔飯!!! >>>

傳奇一刻---- 學到小小喇 !

自八歲， ta 老爸教曉我騎單(邊輔助輪的)車後，又十分極度畏懼 PK 後會毀容毀掉一生，就沒有我單人匹馬的親身上陣過。

今天，大顆兒去做運動，有朋友叫我去租『只有一邊有輔助輪的單車』。(頂!!!)
最後，由於菩薩心腸的我經常做善事，食素放生積福德，非常幸福的我，得到朋友張圖文 p 的慷慨就義，借出多毛粗壯大腿兩大條，充當我整天的私人單車教練(司機)。
大埔出發....之後.....不知道了，我是路痴 + 方向痴。

到了科學園附近，由於單車路又大又直又闊，我有機會學喇。
朋友 C 曾叫我去買條單車褲，我沒有買哩，我常覺得單車褲是屬於只有肌肉沒有脂肪的大隻男人的。我只是把長褲馬馬虎虎地又捲又摺的就算。

朋友們一邊看我踩一邊叫喊:

『望前面唔好望地下呀!』

『直線呀!』

『快D呀!』

『轉彎啦!』

『停呀!!!!!!!!!!!!!!!!』

『剎車呀!!!!!!!!!!!!!!!!!!!!!!!!!!!!!』

我就一味『呀~~~~~~~~~~~~~~~~~~~~~!!!!!!』

朋友 I 對我真好，朋友，我當你一世朋友，見我的騎車路線如我身形一樣的婀娜多『之』，就來送上吃剩的咖哩魚旦一粒，作為鼓勵和獎賞，真--的--十--分--感--動! 我會相信我和他會是不需見面，心中也知曉，友誼是改不了。

朋友 C 替我拍下的領獎一刻。

由於朋友張圖文P 整天的付出，對此至高無上的奉獻，我只有以一杯HKD 7 的富豪軟雪糕來打賞一下。而我自己呢，就馬上買了一杯同樣是HKD 7的可愛小橙冰一杯來加強自己的平衡力。

我不吃牛奶不吃云哩拿不吃軟雪糕的 (好煩呀麻，我知! )，所以通常都不被富豪吸引過去。上一次買富豪橙冰足足是10幾年前的事了。

今次，我溫柔的問:『橙冰唔該。』

富豪對我大喝一句:『 咩話?! 橙冰 !????????????』

我被嚇得差點摔倒在地上，我這個小綿羊不習慣跟別人大聲說話的啊。那個富豪先生搞什麼的?

發神經麼? 大聲叫什麼的叫!!!是不是沒人會買橙冰的呢? 我要的是橙冰!!橙冰呀!!!! 不是安非他命衍生的興奮劑藥品 ----- 冰。

最最最最最好玩的就是坐在張圖文 P 身後的我，一邊學習和觀察如何踩車，一邊呢.....嘻嘻，一邊替各情侶拍照，一邊拍下沿途風光，一邊大叫朋友爆肺 K 死開+行快D開路，一邊充當補給站替朋友S餵食，一邊把垃圾熟練地放入朋友 PP 的籃子內之後再叫 朋友張圖文 P 加速......

各為食朋友凡見小食亭就自動波把車子剎停。汽水又買﹑雞脾又買............ 真係呢... 如果大逃亡呀﹑ Prision Break呀﹑2012呀....我地呢班人實死梗喇....!!! 哈哈哈哈!!!!

由於我在 FB 上放了我成功出車28秒的 VIDEO，好多識踩車的朋友都給了我意見和教學。已經有 20 幾個 LIKE ，很多很多鼓勵的 COMMENTS，謝謝你們啦!!
不過，其中以 XANGA 時代所認識的 M 最好，她說她可以親身教我，又借出她的小寶貝小白給我騎過夠!!! 好好人呀!!!!

P.S. 不過呢，最HIGH都係踩入行人隧道呀!

六尺二的張圖文 P 加埋我，保守估計起碼有 300 磅，齊齊衝入又長又斜又黑的行人隧道..... 好快好大風好 HIGH 好好玩呀!!!! ( 咁上斜我就唔知喇 ! )

*****多謝各位，已成功起車******

多謝唔知邊個大叫我自己學踩，多謝推我出去。
多謝 S 偷影我VIDEO。
多謝 J 一開始做左我嘅輔助碌。
多謝 PP 做左我3次直線踩車的目標。
多謝 K 叫我無啦啦學下轉彎，之後我就產左埋一邊。
多謝 P 叫:『我地引佢過黎啦!之後就走人!』。
多謝 K 冇走埋黎騷擾我。
多謝 C 叫『去呀!阿TA!好叻呀!哈哈哈!』
多謝 C 叫『得啦!識左!唔洗驚啦!』
多謝 I 奉獻出一粒咖喱魚旦:『阿TA! 我買左粒咖喱魚旦俾你呀!!!快D啦!!』

下次目標: 踩---到---直---線---1---分---鐘。

踩車交學費----膝頭嚴重瘀傷!

我喜歡男人吃外賣

是晚作反之作 - 鹹魚肉餅

因為一星期 ta 媽子例必有二天假期，所以，逄星期一﹑五我都要煮飯 (唉!)。
做飯的時候，我很討厭有其他閒人在我身旁 『chit chat 咁轉』及不停在耳邊『而衣淆淆』，如駕車人士一樣，對乘客給予的路面指示呀﹑左轉還是右轉呀﹑經大老山隧道還是獅子山隧道...等等意見，都十分之厭惡!!!!!

偏偏 ta 媽子就最愛在我做飯的時候嘮叨，油鹽份量﹑大中小火﹑先炒後蒸﹑多菜少肉.......!
哎呀 !!!!!!!!!!!!!!!!!!!!!!!!!!!!!!!!!! 受夠了!!!!!!!!!!!!!!!!!!!!!!!!!!!!!!!!!!!!!!!!!!!!!

『ok ok ! 我識啦 ! 你出返去啦!!』我不耐煩。
『你唔好搞到污煙漳氣我警告你!!』ta 媽子強項 - 捍衛廚房。
『你由得佢啦!』ta 老爸出手相助，之後走近我身邊:『今日整 d 正野黎食下!』
  好，作反時間!!! 看你這兩個月都乖乖的戒口又準時進藥，血壓又出奇地靚仔: 120 / 90。 就送給你一個高危菜，一個月一次啦 !

我喜歡男人吃外賣，尤其是逢星期一和星期五。

甜品店 - 糖圓園

早前和朋友到沙田時吃的甜品，相信很多人已經吃過了，我大概都嘗過各式各樣 ( 九成啦! ) 的味道了，最討我喜歡的有朱古力味﹑咖啡味和芒果味，其中咖啡配上紅豆醬是我的精選最愛。

最近港九各區的餐廳食肆都靜了下來，好像沒有什麼特別有趣又好味的甜品推出呀 ?! 可能各老闆都花了所有時間和精神在聖誕大餐呀﹑聖誕情侶套餐等等的吸錢大計之上吧。